Aktorja e njohur Anne Hathaway është parë në një paraqitje të rrallë publike së bashku me bashkëshortin e saj, stilistin Adam Shulman, gjatë një eventi të modës në New York.
Çifti mori pjesë në prezantimin e koleksionit Cruise 2027 të shtëpisë së modës Louis Vuitton, i mbajtur në muzeun Frick Collection, ku Hathaway ishte një nga figurat më të komentuara të mbrëmjes.
Aktorja u shfaq me një fustan elegant në nuanca gri dhe të bardhë, të kombinuar me aksesorë luksozë nga koleksioni “Serpenti” i markës Bvlgari. Sipas raportimeve, bizhuteritë e saj kishin një vlerë totale prej rreth 50,000 dollarësh, duke përfshirë gjerdan, vathë dhe byzylykë me dizajn të veçantë.
Ndërkohë, bashkëshorti i saj Adam Shulman zgjodhi një stil më të thjeshtë dhe casual, me xhaketë të bardhë, xhinse dhe atlete, duke krijuar një kontrast të dukshëm mes tyre që u komentua gjerësisht në rrjetet sociale.
Hathaway dhe Shulman janë njohur në vitin 2008 dhe janë martuar katër vite më vonë. Çifti ka dy fëmijë së bashku dhe aktorja ka theksuar në intervista të mëparshme se familja mbetet prioriteti i saj kryesor.
