Policia serbe ndalon kthimin e kamionëve në Serbi, po i detyron të qëndrojnë në barrikadë
Policia serbe i ka ndaluar kamionët serbë që të kthehen për Serbi.
Kështu ka mësuar GazetaBlic nga burime zyrtare. Sipas këtij burimi, kamioni i parë u lejua që të kthehet për Serbi, por kur policia serbe e pa që këtë po synon ta bëjë edhe i dyti, atëherë e ktheu.
“Po, është e sigurtë. Ne jemi këtu dhe e kemi parë ngjarjen. Kamioni i parë u lejua të kthehet për Serbi, por kur këtë e kërkoi edhe i dyti, atëherë policia serbe e ndaloi dhe e detyroi të kthehet sërish në barrikadë”, tha ky burim për GazetaBlic.
Kujtojmë se sot gjatë ditës kryeministri Kurti mbajti një konferencë për media, ku tha se qëndron prapa vendimit, duke ftuar banorët serbë që të mos bien pre e qëllimeve dashakeqe të Beogradit.
Sonte ndërkaq, Këshilli Kombëtar i Sigurisë do të mbajë mbledhje me kërkesë të kreut të ekzekutivit, Albin Kurti.
